Ipigbubusol ni Senador Robinhood Padilla na maimbestigaran an suboot iregularidad sa ginibong raid kan Philippine National Police sa compound kan Kingdom of Jesus Christ ni Apollo Quiboloy sa Davao City kan Hunyo 10.
Segun kay Padilla, mawot niyang maaraman kung nasunod an mga protocols kan PNP kan magpadara ini nin nasa 100 na mga pulis sa lugar.
Mawot man kan Senador na an Senate Committee on Public Order and Dangerous Drugs na pigpapangenotan ni Senador Bato dela Rosa an magsagibo kan imbestigasyon.
Nakalaag pa sa resolusyon ni Senador Padilla na may mga tagasunod suboot ni Quiboloy an nakulogan sa insidente.
Magigirumduman na enot ng sinabi kan Philippine National Police na nakasunod sinda sa protocols asin dae man nin pigbayolar sa isinagibong raid.
Alagad anom sa mga tagasunod kan Pastor an sasangatan nin kasong obstruction of justice, disobedience to agents of persons in authority, asin possession of bladed weapons huli sa pagbalong harangan an mga pulis.
Sa nasabing raid dae man giraray nadakop si Quiboloy na pinaghahanap kan mga otoridad huli sa kaso nin sexual abuse asin trafficking.
