Ipinaliwanag ni Senador Robinhood Padilla an manungod sa pagkumpara kan Santo Papa kan Simbahang Katoliko sa Iran Supreme Leader na si Ayatolla Sayyid Ali Khamenei na ginadan pagkatapos kan pag-atake kan US-Israel sa Iran.
Sa privilege speech ni Padilla, sinabi kaini na kun an Simbahang Katoliko igwang pig-aapod na Santo Papa, igwa man sindang spiritual leader arog ni Khamenei.
Nangapudan man an senador na dae pag-apodon na terorista si Khamenei huli ta apwera sa pagiging lider, ini man an saindang spiritual leader asin nakakakulog ini sa saindang mga Muslim huli ta pigtutubodan na makuapo si Khamenei ni Propeta Muhammad.
Sa pagpaliwanag ni Padilla manungod sa pagkumpara, pinasimple niya sana an paglaladawan kan religious at political authority na kapot kan lider kan Iran.
Idinagdag kan mambabatas na an analogy na saiyang ginibo igwa sanang katuyuhan na madaling masabutan kan publiko an importanteng impluwensya kan nagadan nang Supreme Leader kan Iran sa parehong relihiyoso asin politikal na mga bagay.
