LEGAZPI CITY-Pinaisi ni Sen. Imee Marcos an gabos na alkalde na miyembro kan League of Municipalities – Ilocos Norte Chapter nin sarong emergency miting.
Basado sa post kan senadora sa social media, gigibuhon an importanteng pagtiripon sa Bacarra Municipal Hall ngonian na aldaw alas 3:00 nin pagkahapon.
Pinagbabawalan man suboot an mga proxy o representante kan mga alkalde sa importanteng pagtiripon.
Dai man sinabi sa abiso kun ano an importanteng bagay na saindang pag-oolayan.
Magigirumduman na nagsagibo nin miting an senadora kan INC rally sa Quirino Grandstand, kun sain pigbuyayag niya an mga seryosong alegasyon kontra sa saiyang tugang na si President BongBong Marcos Jr..
