Emosyonal an singer na si Selena Gomez huli sa pigsasagibong pag-deport ni US President Donald Trump sa mga migrants.
Sa saiyang social media account nag-post ini nin video asin pigtaram na an saiyang mga kahimanwa pig-aatake magin an mga kaakian.
Dae man kaini napugulan an maghibi sa camera asin pigtaram na kun igwa sana kuta siyang magiginibo mapadapit digdi.
Nakaresibi man ini nin mga tuyaw sa ibang fans asin pigtaraman si Gomez na dapat magpasiring na sana siya sa kongreso para iapela an pangapudan.
Makalihis an nagkapirang oras hinale ni Gomez an saiyang nai-upload na video.
Magigiromdoman na an singer may lahing Mexican kun saen kairiba an nasambit na lahi na pigpapahali kan mga personahes kan Immigration and Customs Enforcement (ICE).
