LEGAZPI CITY – Nagin matuninong an selebrasyon kan Muslim Community sa rehiyon kan Bicol kan Eid al-Fitr.
Segun ki Bicol Muslim Community President Al Ammin Hassan sa intrevista kan Bombo Radyo Legazpi na nagin matuninong an selebrasyon huli sa magayon na panahon asin maray na koordinasyon ninda sa pagultanan kan mga kapulisan.
Pinartisiparan man an saindang aktibidad sa ciudad kan Legazpi nin maabot sa labi 300 katawo na hale pa sa manlain-laing parte kan provincia asin sinuportaran kan lokal na gobierno.
Dae man suboot nagin ulang an pag-aalburuto kan Bulkang Mayon asin an maalinsangang panahon nganing matapos an saindang pag-aayuno asin ramdan.
Pigtawan doon man kan opisyal an importansya kan pagselebrar kan Eid al-Fitr urog na ngonian na nagkakaigwa na nin manlain-laing paagi an mga Muslim kan pagpapahiling kan saindang relihiyon.
Nagsentro man an saindang pangadyi sa para sa kabuhayan, trabaho, pangangaipuhan kan saindang pamilya asin an pagkakaigwa nin ceasefire asin katuninongan sa Middle East nganing dae na man maghalangkaw nin labi an presyo kan produktong petrolyo.
Pangapodan niya man sa kapwa niya Muslim na ipagpadagos sana an pagpangadyi nganing tabangan sindang ipasabot sa mga pulitiko na kaipuhan sinda kan mga nasa laylayan.
