LEGAZPI CITY-Nag-uyon si Department of Public Works and Highways (DPWH) Secretary Vince Dizon na bawasan an propwestong budget kan ahensiya na nasa P881.3 billion sa irarom kan 2026 National Expenditure Program (NEP).
Mawot man na partikular na tanggalon an mga proyektong pigaapod na “red flags”, na ibig sabihon, ini an mga proyektong kwestiyunable.
Pigmamawot man ni Dizon sa panel na tawan sinda nin sarong semana ngani i-review an mga propwesting budget kan DPWH.
Pigtawan doon man ni Dizon an mga proyektong nakumpleto na, an dai na dapat pondohan pa kan gobierno.
Pigsierto man ni Dizon sa house panel na saindang hahalion an gabos na mga “red flags” na proyekto asin bukas man siya sa pag-realign sa saindang pondo.
Enot naman na pigtugon ni Presidente Ferdinand Marcos Jr. si Dizon na baguhon an 2026 budget kan ahensiya orog na may nahiling na mga maanomalyang proyekto.
Nasasabuton man ni Dizon an takot kan mga kongresista matapos nindang masirip na igwang mga kwestiyunableng proyekto an nakalaag sa 2026 National Expenditure Program (NEP) kan ahensiya.
