Liwat na tinawan-doon ni Department of Public Works and Highways (DPWH) Sec. Vince Dizon an importansya kan sarong independent investigation katakod kan mga isyu sa flood control projects kan ahensya.
Sa tahaw kan mga alegasyon kan anomalya asin salang alokasyon kan pondo, ipigdoon ni Dizon na mas maray na isairarom sa masusing pagsusuri kan sarong panluwas asin warang kinikilingang grupo an mga proyekto nganing maibalik ang tiwala kan publiko.
Sa hearing, ipinadagos ni Rep. Edgar Erice an paghapot mapadapit sa status kan internal investigation na pinuonan kan DPWH bago pa man an pangapudan para sa independent probe.
Segun saiya importanteng maaraman kun ano an nagin resulta kan nasabing imbestigasyon asin kun may mga opisyal o proyekto nang napatunayan may pagkukulang.
Afuera digdi, inusisa man ni Erice kun ano an eenoton kan DPWH sa tahaw kan nagluluwas na pangangaipuhang i-overhaul an propwestong pondo para sa flood control.
Naglataw sa pagsusuri na may mga proyekto na liwat na napondohan sa irarom kan bagong budget proposal maski haloy nang natapos an mga ini, bagay na nagkawsa nin pagkahandal sa posibleng double funding asin bako epektibong paggamit kan pondo.
 Secretary Vince Dizon has once again emphasized the importance of an independent investigation into issues related to the agency's flood control projects.){kind=link}