Magpapaluwas an GSIS nin labi sa P19 bilyon bilang loan refunds para sa 1.37 milyong miyembro asin pensioners sa irarom kan Balik Ginhawa program.
An refund an katumbas nin hasta sa tulong bulan na amortizations na ibabalik bilang lump sum.
Ipinaliwanag ni GSIS President asin General Manager Wick Veloso na mas marikas asin mas epektibo an programang ini kumparar sa tradisyunal na moratorium huli ta imbes na suspinderon an bayad, ipigbabalik tulos an tulong bulan na amortizations bilang lump sum.
Obheto kaini na makapagtao nin tabang pinansyal sa mga miyembro sa oras na kinakaipuhan kan mga ini.
Siring man, nilinaw kan GSIS na solamenteng mga miyembro asin pensioners na nagbayad nin loan sana sa nasabing panahon an makakaresibe nin refund.
An mga dae nakapagbayad sa laog nin tulong bulan an bako kwalipikado.
Pinaglalaoman na makakapagtao an programang ini nin diit na ginhawa sa mga empleyado kan gobierno na padagos na nahahampang sa kadifisilan.
