LEGAZPI CITY-Liwat na magibo nin historya an P-pop group na SB19 makalihis ining mapili bilang kaenot-enoting grupong Pilipino na maghahagis kan ceremonial first pitch sa sarong Major League Baseball (MLB) game sa Estados Unidos.
An nasabing event kan limang miyembro kan grupo na sina Pablo, Stell, Ken, Josh, asin Justin an parte kan saindang international tour kun sain padagos nindang pigpapabisto an musikang Pilipino sa international stage.
Afuera sa MLB appearance, nakatakda man na mag-perform an SB19 sa Grammy Museum sa Hulyo 28 asin sa Lollapalooza naman sa Hulyo 30. Kaiba man sa saindang schedule an mga fan meeting sa Amerika asin Japan, pati an performance ninda sa Summer Sonic sa Japan.
Bibistuhon na an SB19 an saro sa mga Pilipinong personalidad na makakapaghagis kan ceremonial first pitch sa MLB, kaibanan sinda boxing legend Manny Pacquiao, aktres na si Liza Soberano, asin an komedyanteng si Jo Koy.
Ikinaogma man ini kan saindang fans na ”A’TIN” an panibagong milestone kan grupo.
Segun sa sainda, patunay sana ini kan pag-angat kan SB19 bilang kinatawan kan musikang Pilipino sa bilog na kinaban.
Marurumduman na orog pang pinahewas an international opportunities kan grupo makalihis sindang makipag-partner sa United Talent Agency (UTA), na sarong sikat na global entertainment agency.
