Opisyal na inanunsiyar kan FIFA na an magigin sunod na host kan FIFA World Cup 2030 asin 2034.
An 2030 edition an pagbabangaan kan mga nasyon kan Spain, Portugal asin Morocco.
Mantang an 2034 edition iyo an Saudi Arabia na siyang bukod tanging nag-bid nganing makuwa an hosting.
Kadakol na grupo man an bako kumbinsido sa pag-host kan Saudi Arabia sa naunambitang torneo.
Segun kay Michael Page an deputy director kan Middle East asin North Africa kan Human Rights Watch, na magkakaigwa nin dakol na pagbayolar sa hosting kan Saudi Arabia.
Nagkapira sa mga issues na pwedesir lumuwas iyo an pang-aabuso sa mga migrant workers, freedom of speech asin an karapatan kan mga minority group sa Saudi Arabia.
Kan mga nakalihis na taon an padagos an piggigibong investment kan Saudi Arabia kun saen duman na ginibo an boxing, esports asin Formula One.
Sa hosting kan Saudi Arabia nin World Cup an mapagibo sinda nin 11 stadiums asin 185,000 na mga bagong hotel rooms.
