LEGAZPI CITY-Narekober an sarong sawa o python sa katahawan kan Barangay Maoyod Legazpi City.
Segun kay Brgy. Kagawad Noriel Napa na nahiling kan sarong residente na si Chai Orense an sawa sa Purok 3 sa nasabing barangay.
Susog man sa pahayag ni Orense, na iyo an nakahiling sa nasabing sawa, nanotaran niya ini sa sarong motor asin pinagtarabangan na dakupon huli sa posibleng peligro kaini sa iba mantang igwang pagbabaha sa lugar.
Sa presente, nakakulong na an sawa asin balak i-turn over sa mga otoridad kan mga opisyal kan Barangay.
Mientrastanto, naghupa na man suboot an pagbabaha sa lugar ngonian na hapon.
Mantang padagos an pag-uuran, pinagiingat man kan opisyal an gabos na mga residente huli sa posibleng peligro kan kaparehong insidente.
