Pigtawan duon kan sarong political analyst na mainit pa man liwat an hidwaan ninda Vice President Sara Duterte asin Senator Risa Hontiveros maski na nagbago na nin administrasyon an gobyerno.
Ini an suboot katakod sa hidwaan kan mga dilawan asin sa lado kan mga Duterte.
Segun kay Atty Michael Henry Yusingco, sarong political analyst sa intrevista kan Bombo Radyo Legazpi piggigibo lang suboot ni Sen Hontiveros an saiyang trabaho sa pagbusisi kan mga items na kaipuhan pondohan kan gobyerno.
Segun pa digdi dae pwedesir na an mga tax payers an maggastos sa pagdistribwer kan mga libro na sarong private initiative kan bise presidente.
Nagpapahiling suboot ini nin sarong political propaganda kun saen bako tama an paagi kaini maski na magayon an intensyon ngani na makatao nin kaaraman sa mga kabataan base sa pigsurat kaining libro.
Mientrastanto, dugang pa kan opisyal na bako naman responsibilidad kan sarong bise presidente an mag publish nin libro kun saen kaipuhan sana suboot na maging handa ini sa ano mang oras na palitan an presidente kun kinakipuhan.
Magigirumduman na nagkainitan sinda Senator Risa Hontiveros asin VP Sara Duterte kan pag-ulayan sa Senado an proposed 2025 budget ng Office of the Vice President kan Martes.
Nagpuon an saindang simbagan makalihis na hapoton ni Hontiveros an laog kan librong pighahagadan nin P10 million budget kan OVP.
