LEGAZPI CITY – Tiklo an sarong lalaki sa isinagibong Drug Buy Bust Operation kan sa Brgy. Magurang, Polangui, Albay.
Segun ki Police Lieutenant Colonel Jorge Meneses an Chief of Police kan Polangui MPS sa intrevista kan Bombo Radyo Legazpi na binisto an suspetsado na si alyas “Tigao”, 25 anyos, warang agom asin resisdente kan naunambitang barangay.
Nakuwa hale sa suspek an 2 pidasong silyadong plastic sachet na naglalaman nin pigtutubudang “shabu” asin pigkakarkulong may kantidad nin Php. 20,400.00.
Nahahampang an suspetsado sa kasong pagbayolar sa Acta Republica Numerado 9165 o Comprehensive Dangerous Drugs Act of 2002.
Sa presente, nasa kustodiya na kan Polangui Municipal Police Station an suspetsado asin ebidensya para magkakanigong disposisyon.
Pigtaram pa ni Meneses na dae mapindo an saindang hepatura sa pagkokondusir nin operasyon kontra ilegal na droga nganing mamantenir an kaayusan asin katoninungan sa saindang banwaan.
