LEGAZPI CITY-Naarestar an sarong lalaki sa Barangay Maslog sa ciudad kan Legazpi huli sa kasong panlulugos.
Segun kay Police Executive Master Sergeant Carlos Paña, Public Information Office kan Legazpi City Police Staion, sa intrevista kan Bombo Radyo Legazpi, saro ini sa most wanted person sa nasambitang ciudad.
An suspek sarong 19-anyos, asin residente kan Purok 6 Baranggay West sa Maslog.
Pig-issue suboot an warrant of arrest kaini poon pa kan Oktubre 11 alagad ngunian sana ini naarestar sa kasong Statutory Rape o an pagbabayolar sa Republic Act 11648, na warang katakod na piyansa o bail.
Basado sa report kan polisya, menor de edad an biktima kan suspek.
Nakuwa man an impormasyon mapadapit sa lokasyon kan suspek huli sa sadiri kaini na mga kamag-anak asin nakipagkoordinar an polisya sa mga katakod na mga baranggay ngani maarestar an nasambitang suspek.
Mientrastanto, pigahahalat man kan mga opisyales an order kan korte ngani mailipat an suspek sa kulungan.
Sa presente, an suspek nagtetenir sa kostudiya kan Legazpi City Police Station.
Pagirumdom kan opisyal sa mga biktima nin panluluigos na maski 15 o 20 na taon pa sinda nagin biktima, pwedisir magdulok sa polisya ngani makua an hustiya na para sainda.
