LEGAZPI CITY – Sarong residential house man an nasulo sa Barangay Pawa, Legazpi City.
Segun ki Legazpi City Fire Station chief operation Senior Fire Officer 4 Garry Santander sa intrevista kan Bombo Radyo Legazpi na tulos nindang niresponde ini makalihis maresibi an impormasyon kan nangyaring kasulo.
Inabot man nin pirang minuto antes ideklarang fire out asin base sa inisyal na imbestigasyon an huli sa kagsadiri nindang solar power system an kinapunan kan kasulo.
Dae man suboot nagsapo nin dakulang danyos an nasulong harong huli ta gibo ini sa concrete materials kun kaya dae na naglakop an kalayo pasiring sa mga pagtaraid kaini.
Pigdugang pa kan opisyal na maswerte na warang nairido sa nangyaring insidente maski kinaipuhang magresponde kan lima nindang firetruck.
Pagirumdom ni Santander sa mga may kagsadiri kan mga solar panel na permihang i-check an mga wirings asin battery na piggagamit nganing malikayan an siring kaining insidente.
