Nangapudan si Palace Press Officer Atty. Claire Castro sa mga kritiko asin bashers kan administrasyon na paramientras ipundo an pantutuyaw ngunyan na Semana Santa nganing magtaong-dalan sa pagninilay-nilay.
Ginibo kan opisyal an pahayag kan haputon kan media kun ipagpangadyi ba niya an mga nagtutuyaw sa gobierno, partikularmente na sinda Vice President Sara Duterte asin dating Presidential Spokesperson Harry Roque.
Pagdoon ni Castro, an Semana Santa an panahon kan pagpapangadyi kaya nararapat sana na tawan nin pagpangadyi an mga indibidwal na warang ibang ginibo kundi raoton an gobierno asin an mga opisyal kaini.
Pinagiromdoman man kan opisyal an mga online bashers na kun wara sindang magayon na itataram an mas maray na magsilensyo na sana muna.
Segun saiya an sentro kan lambang saro ngunyan na semana an dapat ibuhos sa paghahanap nin espiritwal na kaaraman imbes na magpakalat nin pangraraot.
