LEGAZPI CITY-–Karsel an bagsak kan sarong lalaki na wanted sa kasong attempted murder makalihis an 39 taong pagtatago sa Barangay Arimbay, Legazpi City.
Binisto an akusado na si alyas “Don don”, 57-anyos, warang agom, asin sarong jeepney driver.
Ginibo an pag-arestar sa bisa kan mandamiento de aresto na iniluwas pa kan Mayo 14, 1987 sa kasong attempted murder na may pigrekomendang piyansa na P10,000.
Sa presente nasa kustodiya na ini kan Legazpi City Police Station para sa magkakanigong disposisyon.
