LEGAZPI CITY-Natawan nin honra an sarong Bicolano Optometrist na si Dr. Jose Nasol, an Regional Governor for Bicol, Integrated Philippine Association of Optometrists (IPAO), bilang Outstanding Optometrist of the Year 2026 sa irarom kan Outstanding Professional of the Year Award (OPYA) kan Professional Regulation Commission (PRC).
Segun saiya, sa intrevista kan Bombo Radyo Legazpi na haloy na siya sa saiyang propesyun asin napili siya sa paagi kan Professional Regulation Commission basado sa aktibong pagse-serbisyo, bilang officer sa nasyunal asin lokal, sa komunidad, asin sa mga organisasyon.
Afuera sa honrang ini, kadakol pa siyang nareresibe huli sa saiyang pagse-serbisyo bilang beteranong Optometrist sa rehiyon.
Dagdag pa niya na an siring na pagbisto, nagtataong kaogmahan ngani ipadagos asin orog pang magpursige ngani madagdagan an saindang kaaraman sa nasabing propesyun.
Sa presente, bilang pasasalamat mawot man niya na makapagtao nin asistensya sa mga namamanwaan, orog na sa mga senior citizens, mga nagtataong serbisyo sa komunidad, para sa libreng konsulta sa saindang mga mata asin maaraman an saindang presenteng kondisyon.
