LEGAZPI CITY-Nadukayang gadan an sarong babae asin nakalaog sa sako sa Antipolo City sa Rizal.
Basado sa impormasyon, nakuwa kan mga otoridad alas 4:00 nin pagkahapon kan Hulyo 25 an sarong sako na igwang bangkay nmin babae sa Del Carmen sa Sitio Lower Manalite I, Brgy. Bagong Nayon.
Nakarsibe an mga otoridad nin sarong apod hale sa sarong concerned citizen mapadapit sa insidente kung sain nakumpirma man kan mga otoridad na an bangkay sa sako nakatambak sa sarong garbage area kan sarong paupahan.
Sa presente, pigiimbestigaran pa kan pulisya an insidente.
