LEGAZPI CITY-Gadan an sarong babae makalihis na ma-hit and run ini sa parte kan Purok 4 Barangay Bigaa Legazpi City kung sain naputol an toong bitis kaini huli sa pagkasampa sa sarong mapanas na steel sa gilid kan tinampo.
Segun kay Legazpi City Police Station, Police Executive Master Sergeant Carlos Paña, sa intrevista kan Bombo Radyo Legazpi, nangyari an aksidente bandang alas 12:45 nin maagahon, an biktima sarong 40-anyos asin residente kan Barangay Padang Legazpi City.
Hale an biktima sa Barangay Padang pasiring sa sentro kan Legazpi asin bago pa siya makaabot sa tulay, naguyod siya kan sarong dai pa bistong behikulo asin nakasampa sa sarong mapanas na steel sa gilid kan tinampo, na nagin kawsa kan pagka-putol kan saiyang toong bitis.
Dinara man an biktima sa ospital alagad dai na ini uminabot na buhay.
Pangapudan kan polisya enkaso igwang nakahiling sa insidente, pwedesir mag-report sa saindang ofisina asin sa mismong nakabangga na driver, na dai na paghalaton an imbestigasyon kung igwang pagmakulog sa biktima.
Abiso man sa publiko pati na sa mga drivers na dai makakampante asin mag-ingat sa tinampo orog na sa mga national high way.
Makikipagkoordinar man suboot sinda sa Barangay Bigaa ngani malaagan an mga poste na madiklom asin daing streetlight.
