LEGAZPI CITY-Buminagsak an sarong 221‑ft na seawall sa banwaan kan Baras, Catanduanes huli sa makusog na hukol.
Segun kay Baras Municipal Disaster Risk Reduction and Management Office Public Information Officer Kim Tenoria, sa intrevista kan Bombo Radyo Legazpi na huli ini sa epekto kan padagos an pag-uuran sa saindang lugar.
Nangyari an insidente huli sa dakulang hukol an nagpaluya sa pundasyon na nagin kawsa kan pagbagsak kan sea wall.
Dagdag pa kan opisyal na uminabot sa 221 ft an lawig kan naraot na parte kaini.
Mientrastanto, wara man nin nadamay na indibidwal sa lugar kan mangyari an pagbagsak.
Sa presente, magsasagibo sinda nin report manungod sa insidente huli ta nahahandal an nagkapirang mga residente enkaso igwang papaabot na raot nin panahon.
Abiso man kan opisyal na magingat asin pirmihang magbantay sa mga local updates kan gobierno
