Nangapudan si Pope Leo XIV sa mga lideres kan kinaban sa saiyang Easter message kan Domingo na pundohon na an mga nag-iiral na giyera sa manlaen-laeng parte kan kinaban asin talikudan an anumang kamawotan para sa kapangyarihan, pananakop, asin dominasyon.
Sa saiyang espesyal na mensahe sa rinibong nagtipon sa St. Peter’s Square, ipinahayag kan Santo Papa an saiyang pagkahandal na an mga tawo an padiit-diit nasasanay sa kadahasan.
Inengganyar man niya an may mga kapot na armas na ipundo an labanan asin pilion an katoninongan.
Dae binanggit ni Pope Leo ang anumang partikular na giyera sa saiyang mensaheng “Urbi et Orbi” o “to the city and the world” na nagin kapansin-pansing halipot alagad direkta.
Ipinaliwanag man kan Santo Papa an istorya kan Easter Sunday an patunay na si Kristo an ganap na mapayapa asin bako marahas.
Magigiromdoman na sa mga nakalihis na semana, nagin mas maisog an Santo Papa sa pagkondena sa mga marahas na iriwal sa kinaban, kabale an saiyang matinding kritisismo sa digmaan na kinaiimbueltohan kan Iran.
