LEGAZPI CITY—Arestado an sarong lalaki sa kasong pambubugbog, kaiba an saro pa niyang kaiba, makalihis na suboot magpaputok nin badil sa Daraga, Albay.
Segun ki Daraga Municipal Police Station Chief of Police Police Lieutenant Colonel Edgar Azotea, sa intrevista kan Bombo Radyo Legazpi, na posible suboot na may hararom na rason kun nata nagresulta sa siring na insidente huli sa magkakataraning an mga harong asin magsadiring tawo man sana an mga ini.
Nagkukundusir pa nin preliminary investigation an mga otoridad sa kasong pwedesir na isunad sa suspek na nambugbog, mantang an sarong persona na nagpaputok nin badil an mahahampang sa kasong pagbayolar sa Article 254 kan Revised Penal Code o an Discharge of Firearms.
Dugang ni Azotea na sainda pang pigberipika kun lisensyado o rehistrado an badil kan saro sa mga suspek.
Segun saiya na nagin dakulang tabang an CCTV footage sa lugar huli sa nagserbi ining ebidensya sa kun ano an tunay na nangyari sa insidente.
Mensahe man kan opisyal na magtinir na kalmado asin pag-ulayan an anumang problema asin dae na ini ipag-agi sa ano pa man na kadahasan nganing dae na mag-abot sa siring na insidente o makaagrabyado nin ibang tawo.
