Pig-octaba kan San Pablo, Laguna Regional Trial Court an pagpaluwas kan warrant of arrest laban sa negosyanteng si Charlie ‘Atong’ Ang.
Ini mismo an pigkumpirma ni Justice Spokesperson Atty. Polo Martinez sa saiyang anunsyo manungod sa nakabinbin na kaso na isinangat sa korte.
Nag-defer na suboot an korte asin dae na ma-isyu nin mandamiento de aresto sa ngonian, segun sa mosyon na isinangat kan ibong na kampo.
Segun sa tagapagtaram, nagsangat nin ‘motion to suspend proceedings’ an puganteng si Atong Ang, kun kaya dae pa nin warrant na nailuwas.
Iba ini kumpara sa ibang korte na dati nang nagpaluwas nin mandamiento de aresto laban ki Ang sa kaparehong kasong isinangat kan prosekusyon laban saiya.
An mga korteng ini iyo an Regional Trial Courts kan Sta. Cruz, Laguna asin Lipa City sa Batangas.
Ipigheras ni Prosecutor General Richard Anthony Fadullon kan National Prosecution Service na afuera sa pag-octaba kan pagpapaluwas kan mandamiento de aresto, nagpaluwas man nin orden an korte.
Ipinagsugo niya suboot an pagsumiter nin mga evidencia asin magin an nagkapirang counter affidavit kan mga respondents mantang yaon pa sa departamento an reklamo o padagos pa an preliminary investigation.
Huli kaini, orog pang ipinaliwanag kan opisyal an proseso kan korte, urog na sa bagay na pagpapaluwas nin mandamiento de aresto laban sa sarong akusado.
Segun ki Prosecutor Gen. Fadullon, kasunod kan pormal na pagsangat kan kaso sa korte, igwa siyang pirang aldaw nganing repasuhon an isinumitir na impormasyon.
Sa laog nin sampulong aldaw, aaramon kan korte kun igwa nin supisyenteng mga rason asin basehan nganing magpaluwas nin mandamiento de aresto.
An puganteng si Charlie ‘Atong’ Ang, sa ibong kan mga mandamiento de aresto na ipinaluwas kan korte, padagos pa man liwat na pighahanap kan mga awtoridad.
Nahahampang ini sa kasong kidnapping with homicide asin kidnapping with serious illegal detention katakod kan pagkawara kan mga sabungero.
