LEGAZPI CITY-Kinumpirma kan Philippine Space Agency (PhilSA) na buminagsak an debris o mga parte kan Long March 12 rocket kan China sa karadagatang sakop kan Pilipinas harani sa Palawan kan Agosto 4, 2025.
An debris buminagsak sa laog kan 21 nautical miles hale sa Puerto Princesa asin sa 18 nautical miles hale sa Tubbataha Reefs Natural Park, an mga lugar na sakop kan exclusive economic zone (ECZ) kan Pilipinas.
Katakod kaini, pigbalaan giraray kan nasambitang ahensiya an publiko laban sa peligro kan rocket debris.
Enkaso suboot tamaan, pigpapayuhan an publiko na dai pagkapotan o kolektahon an anumang mahihiling na debris huli sa igwa ini nin nakakalason na sangkap siring kan rocket fuel, asin dapat tulos na ipaaram sa mga otoridad.
