LEGAZPI CITY- Aminado an mga otoridad na nagkakaigwa nin bahagyang delays sa biyahe kan mga pampublikong bus na pabalik sa Metro Manila huli sa mga road re-blocking na kawsa kan mga nagpapadagos na konstruksyon sa mga tinampo.
Ini makalihis an reklamo kan nagkapira na nahahaluyan an saindang biyahe huli sa gubot na trapiko.
Segun ki Land Transportation Franchising and Regulatory Board Bicol Director Joel Defeo sa intrevista kan Bombo Radyo Legazpi na minimal sana an nasabing problema asin marikas man na natatawan solusyon.
Dugang pa kan opisyal na dae man nakapagrehistro nin kakulangan sa mga nagba biyahe na bus huli ta amay na nakapag isyu an ahensya nin special permit sa nagkapirang bus companies.
Ini an ngani na maakomodar an dakol na mga biyahero na nag-uli sa mga provincia antes an eleksyon.
Mientras tanto, sinierto man ni Defeo na nagpapadagos an pigsasagibong monitoring sa mga mayor na terminals sa rehiyon asin nagpapadagos man an mga roadside inspections pigpapaotob kan ahensya.
