Lalong nagkusog an ugong na may namamagitan kinda Richard Gutierrez asin Barbie Imperial makalihis na mahiling na magkaibanan sa South Korea.
Nag-viral an mga ladawan kan duwa, na ipinost sa Facebook kan sarong Grace Yang, mantang naglalakaw sa Seoul.
Bako ini an enot na bes na nahiling na magkaibana sinda Barbie asin an estranged husband ni Sarah Lahbati.
Kan Enero, nahiling an duwa na magkataning sa sarong bar sa Alabang.
Segun sa mga nakahiling, todo an pag-alalay ni Richard ki Barbie na dawa kan maglaog sa banyo an aktres an nakabantay sa luwas kan pinto an aktor.
Kan Marso, nagheras nin ladawan sa social media accounts an duwa na garing kua sa sarong resort sana.
