Legazpi City- Pangapudan kan Bantay Bigas na ipanao na sana sa mga Pilipinong apektado kan nakalihis na mga raot nin panahon an mga smuggled na bagas na nasakute kan mga otoridad sa mga magkakasuway na operasyon.
Sa intrevista kan Bombo Radyo Legazpi kay Cathy Estavillo, Tagapagtaram kan Bantay Bigas, mas lalong naglalangkaw an kantidad kan danyos na naiirehistro huli na sa raot nin panahon lalo na sa kasagsagan ni Bagyong Kristine na kun sain dakula an naging dayos sa kalupaan sa nasyon.
Base sa monitoring kan grupo nag-aabot na sa 4.8 billion an danyos sa agrikultura huli sa bagyo.
Sa datos na nakua kan grupo dakula an danyos na nairehistro sa mga paroy lalo na sa parte kan Kabikolan asin Batangas.
Haros sa mga nadanyaran na paroy ay madali nang anihon alagad nasayang makalihis na agihan kan raot nin pahanon.
Pangapudan pa sa ngunyan kan grupo na matawanan nin ayuda o tabang an mga paraoma na naapektaran.
Nagkapira sa mga tinurong rason kan rice watchdog an nagpapapdagos na epekto kan Climate change, Quarrying asin iba pang mga aktibidad na nakakaapektar sa mga tanuman sa nasyon.
Kinundena man kan grupo an pinapanaong bagas sa mga apektadong indibidwal na suboot garo ini an mga bagas an lumang suplay na asin dapat siertuhon na salbado pa ini kaunon kan publiko.
