Tatabangan ni Rhenz Abando an Strong Group-Philippines sa kampanya kaini sa 43rd William Jones Cup sa masunod na bulan.
An 26-anyos na si Abando an sarong free agent makalihis na pilion na dae na i-renew an kontrata sa Korean Basketball League club na Anyang Jung Kwan Jang.
Si Abando an may average na 9.9 points, 4.3 rebounds asin 1.1 assists kan nakalihis na season sa Korean Basketball League.
Gigibuhon an Jones Cup sa Hulyo 13 hasta 21 sa Taipei, Taiwan.
Sa Strong Group, makakaibanan ni Abando sinda RJ Abarrientos, Angelo Kouame asin Kiefer Ravena.
