Inanunsyar ni Department of the Interior and Local Government (DILG) Secretary Jonvic Remulla na tinaas pa sa P20 million hali sa dating P10 million an reward para sa siisay man na makakapagtaong impormasyon na magreresulta sa pagkaka arestar kan negosyante na si Atong Ang.
Si Ang an nahahampang sa mga kaso na may kinaaraman sa mga nawawarang sabungero.
Marurumduman na ipinaluwas na an mga warrant of arrest kontra ki Ang huli sa multiple counts nin kidnapping with homicide asin kidnapping asin serious illegal detention.
Mahigot man na pignenegaran kan kampo kan nasabing negosyante an mga alegasyon kontra saiya.
Sa presente, dae pa masierto an eksaktong lokasyon ni Atong Ang asin padagos ining pinaghahanap kan mga otoridad.
