LEGAZPI CITY — Nakabalik na sa Manila an sarong rescue helicopter kan Philippine Air Force na nag-emergency landing sa Iniwaran Islet sa San Pascual, Masbate makalihis na magkaaberya.
Sa intrevista kan Bombo Radyo Legazpi ki P/Cpl. McDonald Sandigan Casi, desk officer kan San Pascual Municipal Police, kasuodmang aga kan nag-landing an S-70A Black Hawk helicopter huli sa suboot sa aircraft discrepancy.
Napag-aramang magta-transport kuta nin pasyente hale Masbate pasiring Manila an helicopter kan magkaproblema mantang palaog sa mainland Masbate.
Segun ki Casi, lunad kan helicopter an 12 pasahero asin duwang piloto na maswerteng warang sinapar na anumang lugad sa insidente.
Bandang ala-1:40 kan hapon kan makahali an behikulo pabalik nin Manila.
