LEGAZPI CITY- Inagyat ngonian kan ACT Teachers Partylist an pamayo kan Department of Budget and Management (DBM) na magdemiter na sana sa pwesto kun dae kayang sundon an ibinabang direktiba ni Presidente Rodrigo Duterte.
Katakod ini sa enot nang pahayag kan presidente sa paagi ni Presidential spokesman Harry Roque na dodoblehon o lalangkawan an sweldo kan mga paratukdo.
Sa ekslusibong intrevista kan Bombo Radyo Legazpi ki ACT Teachers Partylist Rep. Antonio Tinio, tinawang-duon kaini an direchos kan mga paratukdo na makapag-uli suboot kan disenteng sweldo siring na sana kan salary increase kan mga uniformed personnel.
Dugang pa kaining nalilibong na suboot kun siisay talaga an totoong presidente urog na nagluluwas pirming nakakontra si Secretary Benjamin Diokno sa mga siring na klase nin propuesto.
Binalikan pa ni Tinio an naging pagkontra man sa pagpasar kan libreng tuition para sa kolehiyo na sa hudyan an naipaotob man giraray.
Mientras tanto, kumpiyansa man an lehislador na magigin positibo man an kakaluwasan kan dagos-dagos na paglaban na bako sana suboot para sa mga paratukdo kundi sa iba pang civilian bureacracy.
