LEGAZPI CITY-Ibinasura na kan Makati City Prosecutor’s Office an reklamo laban sa mga aktres na sina Michelle Dee, Rhian Ramos asin Samantha Panlilio huli sa kakulangan sa ebidensya.
Ipigselebrar naman ini ni Dee alagad binatikos ini kan Volunteers Against Crime and Corruption (VACC).
Nakalaag sa sarong affidavit na may petsang Enero 28 ngonian na taon, kun saen an dating drayber ni Ramos, na si Bonifacio “Totoy” Baro, nagsangat nin sarong reklamo para sa slight illegal detention, slight physical harm, maltreatment, asin illegal arrest laban sa tulong aktres asin kina Chester Ian Galicia asin Felipe Brabante III.
Alagad sa sarong resolusyon na may petsang Sept. 1, ibinasura na kan Makati City Prosecutor’s Office an reklamo ni Baro huli sa “insufficiency of evidence.”
Sinabi man kan abogado ni Dee na si Atty. Maggie Abraham-Garduque, na sinda maogma sa resolusyon.
Dagdag pa kaini na “In the end, justice and truth prevail.”
