LEGAZPI CITY- Kompleto na an rehabilitasyon na ipigsagibo kan Civil Aviation Authority of the Philippines (CAAP) sa solamenteng erpuerto kan island province kan Catanduanes asin nakatalaan nang inaguraran sa aga, Hunyo 1.
Ini an ipighayag ni Presidential spokesperson Harry Roque sa isinagibong press briefing sa Malacañang kasubagong aga.
Piglalaoman man na makakatabang an pagrenovate sa Virac Airport sa pagtalubo kan dakol na numero kan pasahero na maakomodar kan nasa 300 na pasahero puon sa 100 sana.
Kaibanan man sa tinawanan nin upgrade an departure sections sa ground asin second floors mientas na pinakarahay man an arrival area sa ground floor.
Magigirumduman na labi sa P35 million an itinagamang pondo sa nasabing proyekto na paramientras na napendiente sa huli sa dae piglalaomang pagbabago sa trabaho asin gastos.
Alagad liwat man na na-oktaba makalihis na i-resume kan Oktubre 2016 kan magrapado sa provincia an bagyong Nina kan Disyembre man sa nasabing taon na nagpalala sa danyos sa istruktura.
Ngonian na Mayo sana man nakompleto an nasabing proyekto.
An nasabing erpuerto an nagpuon kan operasyon kan taong 1946 bilang “feeder airport” asin sakop an kabilugang land area na 18.55 hectares.
Taong 1947 man kan magkaigwa nin enot na commercial flight sa nasabing airport mantang naglanding an enot Airbus flight kan 2013.
