LEGAZPI CITY—Arestado kan mga otoridad an ika-8 Municipal Most Wanted Person kan banwaan nin Guinobatan, Albay sa kinundusir na operasyon sa Barangay Poblacion, kan nasabing banwaan.
Segun ki Guinobatan Municipal Police Station Officer-in-Charge Police Major Genivieve Oserin, sa intrevista kan Bombo Radyo Legazpi, nahahampang an akusado sa limang bilang nin kasong pagbalgar sa Republic Act 9262 o ang Anti- Violence Against Women and Their Children Law kun sain nakomitir niya ini sa saiyang agom.
May pigrekomendang piyansa ini na nasa P72,000 kada saro para sa apat na kaso asin P6,000 man para sa huring kaso.
Sa presente, nasa kustodiyang na ini kan Guinobatan MPS para sa magkakanigong disposisyon.
Tinawan-doon kan opisyal na an nasabing operasyon an saindang pigpapahigot nganing matawan nin hustisya an mga biktima.
Mientrastanto, padagos man pagkundusir ninda nin lecture asin information dissemination sa mga barangay, eskwelahan bilang kampanya kan saindang opisina kontra sa nagbabalgar sa VAWC law.
