LEGAZPI CITY—Takdag sa kamot kan mga otoridad an Rank 3 Provincial Most Wanted Person kan Albay sa Sol Carville, Brgy. Dita, Sta. Rosa, Laguna.
Binisto an suspek na si alyas “Don”, 24-anyos, warang agom asin residente kan Polangui, Albay.
Nahahampang an suspek sa kasong statutory rape na warang pigrerekomendang piyansa.
Naarestar ini sa pinagsarong operatiba kan Polangui Municipal Police Station, Albay Provincial Intelligence Unit, Regional Intelligence Unit 5 Provincial Intelligence Team, Regional Intelligence Unit 4A-Laguna, Cavite Provincial Intelligence Team asin Amadeo Municipal Police Station, Cavite Police Provincial Office, Sta. Rosa City Police Station, asin Laguna Police Provincial Office.
Sa presente nasa kustodiya na ini kan Polangui MPS para sa magkakanigong disposisyon.
