LEGAZPI CITY-Nasakote kan mga otoridad an sarong dating Rank 10 Regional Most Wanted Person (RMWP) sa Bicol Region sa isinagibong manhunt operation sa Quezon City, National Capital Region.
An nasabing wanted person kaiba sa Rank 10 Most Wanted Persons kan rehiyon poon pa kan Marso 2026.
Isinagibo an operasyon sa bisa kan warrant of arrest na inisyu kan korte katakod kan kasong pagbayolar sa Republic Act No. 10883 o New
Anti-Carnapping Act of 2016, na warang rekomendadong piyansa.
Dinara na an akusado sa Police Station 15 kan Quezon City Police District para sa kaukulang dokumentasyon asin kaipuhang proseso.
Nakatakda man ining darahon sa Magarao Municipal Police Station sa kaukulang disposisyon asin pagpapadagos kan mga legal na proseso.
Mientras tanto, padagos man an kampanya kan mga otoridad na hanapon asin panimbagon an mga indibidwal na igwang pigkakahampang na kaso, sain man sindang lugar nagtatago, sa paagi kan koordinasyon sa ibang himpilan sa manlain-lain na rehiyon.
