Magsasairarom sa panibagong medical examination si Kingdom of Jesus Christ leader Pastor Apollo Quiboloy durante kan pagpapalawig sa saiyang medical furlough.
Segun sa Philippine National Police na nasa marhay na ining kondisyon alagad inaprubaran kan korte an mosyon kaini para sa panibagong medical examination.
Paliwanag ni PNP spokesperson Police Brigadier General Jean Fajardo na nagsusunod sana an kapulisan sa kasuguan kan korte.
Marurumduman na nakakulong si Quiboloy sa PNP Custodial Center sa Camp Crame asin idinalagan sa Philippine Heart Center kan Nobyemre 8 makalihis na madifisilan na makahangos.
Sa presente nahahampang si Quiboloy sa kasong human trafficking asin pagbayolar sa Section 5(b) asin Section 10(a) kan Republic Act 7610 o Special Protection of Children Against Abuse, Exploitation, and Discrimination Act.
