LEGAZPI CITY-Inanunsyo kan Local Government Unit (LGU) kan Quezon City na naglampas na sa epidemic threshold an kaso nin leptospirosis sa ciudad.
An epidemic threshold, iyo an mga numero kan mga kaso na minalampas sa piglalaoman na lebel para sa sarong partikular na panahon.
Segun sa mga awtoridad, naglangkaw nin 47 an kaso nin leptospirosis poon kan Setyembre 4 hasta 7.
Uminabot naman sa 47 an numero kan mga nagadan huli sa helang.
Pig-aatribwir kan mga otoridad an paglangkaw kan kaso sa sunod-sunod na pag-uran asin pagbaha sa manlaen-laen na parte kan ciudad.
Kabali sa mga lugar na nairehistro an kaso, an nagkapirang mga barangay sa Commonwealth, Batasan, asin Tatalon sa ika-apat na distrito kan Quezon City.
Mientras tanto, sinabi kan mga lokal na opisyales sa salud na nagtetenir na sapat an mga pasilidad para sa mga pasyente asin dai man nagkukulang an mga hospital beds.
Inaabisuhan an publiko na likayan an paglusong sa tubig-baha ngani mabawasan an posibilidad na magkaigwa nin leptospirosis
