LEGAZPI CITY – Padagos pa an imbestigasyon kan kapulisan sa mga suspek sa panggagadan sa public school teacher na si Mel Rose Baloloy, 37-anyos sa Caramoan, Catanduanes.
Sa intrevista kan Bombo Radyo Legazpi ki Patrolwoman Myra Cenon, imbestigador kan Caramoran PNP, igwa nang pigtutukan na posibleng suspek an mga otoridad na pigtutubudan na nagtetenir pa sa nasabing banwaan.
Alagad dae pa man suboot pwedesir magluwas nin impormasyon asin ibang detalyes kan mga imbweltong persona urog na nasa imbestigasyon pa.
Dakulang tabang man suboot an pag-ofresir nin P150, 000 reward money kan lokal na gobierno asin mga pigtataong impormasyon kan mga concerned citizen tangarig na maparikas an pag-arestar sa mga suspek.
Mientras tanto, nasa proseso pa an autopsy result kan biktima.
Nagpatanid man si Cenon sa komunidad na magtodo-ingat urog nang magkakarayo an distansya kan mga harong, ngani na maibitaran an siring na insidente.
Magigirumduman na hinabunan asin pinagsasaksak-gadan si Baloloy sa laog kan sadiring harong mantang nahiling man kan 13-anyos na aki an krimen.
