LEGAZPI CITY- Nangapudan an Public Safety Office kan Legazpi City sa publiko makalihis an insidente kan panghahabon biktima an saro nindang personahe kun saen hinabas an mamahalon na helmet kaini.
Segun kay Rolly Esguerra, an pamayo kan Legazpi City Public Safety Office sa intrevista kan Bombo Radyo Legazpi na nagsasagibo an biktima nin traffic visibility sa Taysan area nin huli sa pagbisita kan DICT sa syudad kan nangyari an panghahabon.
Dugang pa kaini na haros maluha-luha an saiyang enforcer nin huli ta bagong bakal asin pighuhulugan pa sana man an nasabing helmet.
Base sa saindang imbestigasyon pigtutubudan na pigputol nin matarom na bagay an safety lock kan motor kun sain nakakabit an helmet.
Pigsabi man kan opisyal na nagpipili suboot an suspetsado kan hahabasan nin helmet asin may posibilidad na ipabakal ini o isangla sa mas hababang kantidad.
Segun man kay Esguerra na pwedesir makasuhan man an madadakop na magbakal nin hinabunan na helmet asin pareho suboot an magigin kasalan sa batas sa mismong naghabon.
Sa ngunyan, nakikipagtabangan na man an naunambitang opisana sa mga kapulisan tanganing masusog asin mamonitor kun siisay an naghabon asin nangapudan man ini na suboot maglaban nin patas an suspek nin huli ta nagtatrabaho man sana nin marhay an nasabing biktimang enforcer.
