LEGAZPI CITY—Liwat na nagpagiromdom an Legazpi Public Safety Office sa mga motorista na dae magparada sa mga pinagbabawal na lugar sa ciudad.
Segun ki Public Safety Office Legazpi Chief Octavio Rivero, sa intrevista kan Bombo Radyo Legazpi, nangangapudan sinda sa mga motorista na dae na magparada sa mga pinagbabawal na lugar huli ta kun sinda mahiling o maagihan kan saindang mga personahes posible sindang magkaigwa nin penalidad.
Nagpagiromdom man ini sa mga opisyal kan barangay na dae magparada sa mga pinagbabawal na lugar huli ta sinda dapat an magin panalmingan kan mga namamanwaan sa pagsunod sa mga regulasyong pigpapaotob sa naunambitang ciudad.
Mientrastanto, katakod kan papapaabuton na Palarong Bicol 2025 sa ciudad, nangapudan man ini sa mga tricycle drivers na dae magsingil sa mga pasahero nin lagpas sa taripa na itinao sainda huli ta pwedesir sindang maghampang sa magkakanigong penalidad.
