Nagpatanid an Philippine Statistics Authority (PSA) sa publiko mapadapit sa mga naglalakop na scam na nag-oofresir nin ₱5,000 cash assistance para sa mga may kapot nin National ID.
Segun sa PSA, warang katotohanan an mga ini asin dae sinda nagtatao nin ano mang pinansyal na insentibo kapalit kan pagkakaigwa nin National ID.
Inabisuhan kan ahensya an publiko na dae makipag-koordinar sa mga indibidwal o grupong nag-oofresir nin siring kaining tabang asin likayan an pagtao nin personal na impormasyon sa mga kahina-hinalang online forms.
Dugang pa kaini, an pagpaparehistro para sa National ID an libre asin warang bayad. Pig-enganyar kan PSA an sisay mang may impormasyon mapadapit sa mga siring kaining aktibidad na tulos i-report sa saindang official channels nganing maibitaran an paglakop kan mga naunambitang scams na ini.
 has warned the public about rampant scams offering ₱5,000 cash assistance for National ID holders.){kind=link}