LEGAZPI CITY – Pigduon ni Catanduanes Prosecutor Mary Jane Zantua na wara siyang anuman na ginibong pagpupugol sa mga kongresista asin mga otoridad na makalaog sa mega shabu lab sa probinsya huli ta wara suboot siya sa poder na gibuhon ini.
Pag-eksplekar kaini, wara siyang anuman na intensyon na mag-object sa ipigkokundusir na occular inapection asin sinunod sana an direktiba kan Department of Justice sa pagpresrve kan ebidensya.
Pigbuyagyag man kaini na nakaresibe siya nin department order kan Disyembre 2016 kun sain pigsusugo sinda na isumite an gabos na dokumento dapit sa kaso sa prosecutor’s office.
Mientrastanto, kinuwestyon man ni AKB Rep. Rodel Batocabe kun papano na mapapangatamanan an pigtataram ni Zantua na ebidensya kun warang nagbabantay sa laboratoryo asin wara na an bubungan kaini huli sa nakalihis na bagyong Nina.
Depensar man kan mga otoridad, an Virac PNP na an igwang kustodiya kan compound asin iyo na an nagbabantay ngunyan asin pigsiyerto na bako man apektado kan kalamidad an mga drug evidence.
