Nagsunad si Senador Robinhood Padilla nin propwestong ley na nagsusugo sa gabos na public officials, kaiba an presidente kan Pilipinas, na magsairarom sa annual mandatory drug testing.
An pagsunad kan senador nin propwestong ley an kasabay kan pagbutas ni Nadia Montenegro bilang political affairs officer VI sa saiyang opisina.
Sa irarom kan Senate Bill No. 1200, o an propwestong “Drug-Free Government Act,” na obhetong amyendaran an Republic Act 9165 o Comprehensive Dangerous Drugs Act of 2002, oobligaron na magkaigwa nin annual hair follicle drug test para sa gabos nin mga nasa gobierno, gikan sa lokal na opisyal sagkod sa mga itinalaga sa mga government-owned and controlled corporations (GOCCs).
Afuera sa annual drug test, pig-engganyar man an mga kandidato na magsairarom sa voluntary random drug testing sa laog kan 90 aldaw bago an aldaw nin eleksyon.
En kaso magpositibo sa paggamit nin ipinagbabawal na gamot an sarong opisyal, pwedesir ining magserbing basehan para sa administratibong kaso na pwedesir mag-abot sa suspensyon o dagos nang pagkakatanggal sa posisyon.
