Ipigsunad sa Kamara an propuesto na obhetong halion an excise tax sa petrolyo asin amyendaran an Tax Reform for Acceleration and Inclusion o TRAIN Law.
An nasabing propuesto an nai-refer na sa House Committee on Ways and Means sa plenaryo.
Segun ki ways and means chairman asin Albay Congressman Joey Salceda na September 2023 pa ninda pigkokunsiderar na gumibo nin lakdang dapit sa excise tax sa petrolyo.
Sinierto man kaini na magkakaigwa ini nin epekto ngani na magin posible an pagbaba kan kantidad nin petrolyo.
Pinaglalaoman man na maiimbitaran an gabos na stakeholders ngani na madangog an lado kan mga ini dapit sa propuesto.
