LEGAZPI CITY — Ikinaugma kan Philippine Drug Enforcement Agency (PDEA) Bicol an labi-labing kooperasyon kan mga lokal na gobierno sa rehiyon ngani na masawata an problema sa iligal na droga.
Segun ki PDEA Bicol Director Christian Frivaldo, naghihiro an Barangay Anti-Drug Abuse Council (BADAC) asin padagos an drug clearing program kan PNP siring man maray an kooperasyon kan namamanwa kun kaya maray an resulta kan kampanya.
Tinawang duon man ni Frivaldo na dawa na dakol an naisabay na pangaran kan opisyal sa iniluwas na narco-list, bako boot sabihon na malala pa an problema sa droga kan rehiyon.
Sa ibong man kaya kan kawaran nin personahes kan PDEA, nadakop man suboot kaini an apat na primary supplier kan droga sa rehiyon na dakulang acvhievement.
Dugang pa kan opisyal na dae matunong an PDEA sa paggibo kan saindang trabaho kun kaya daeng dapat na ikatakot an namamanwa.
Mientras tanto, sinabi pa ni Frivaldo na dae man ginusto kan mga law enforcers na maging paragadan nin tawo huli sa kaipuhan man nindang protehiran an sadiri asin susog man ini sa saindang trabaho.
