LEGAZPI CITY-Suportado kan Police Regional Office 5 an Massive Apprehension Activity kan Albay Electric Cooperative (ALECO) mapadapit sa paglaban sa iligal na koneksyon nin kuryente.
Segun kay Deputy Regional Director for Operations, Police Colonel Roque Bausa kan Police Regional Office 5, sa sarong press conference na isinagibo kan ALECO, mababawasan an mga system loss asin masesierto an reliable, episyente, asin abot-kayang kuryente para sa mga harong asin magigin serbisyong pundamental ini sa bilog na provincia kan Albay.
Sa suboot 3 operasyon, labi sa 240 na mga iligal na koneksiyon kada bulan an pwedisir na magresulta sa recovery kan mga system loses kan nasambitang ahensiya, alagad igwang 24 na mga harong na may iligal na koneksiyon an sinangatan na nin kaso katakod kan nasambitang kampanya.
Target man kan programa kan nasambitang mga ahensiya an 200 na iligal na koneksiyon kada bulan.
Kairiba sa kampanya laban sa mga iligal na koneksiyon an Philippine National Police Region 5, asin suportado suboot kaini an programa kan ALECO, na obhetong maparahay an serbisyo kan mga lehitimong konsumidores sa provincia.
Saro pa sa obheto kan nasambitang kampanya, an pagpapauswag kan tamang proseso mapadapit sa mga legal na koneksiyon nin kuryente para sa publiko.
