LEGAZPI CITY – Nahilingan nin positibong epekto sa mga paratienda asin konsyumers an primerong aldaw kan dry run kan Daraga night market.
Segun ki Daraga Public Market Administrator Themis Lobete sa intrevista kan Bombo Radyo legazpi na isinagibo an dry run nganing matabangan an problema sa trapiko sa sarong tinampo na dating pigpwestuhan kan mga paratienda.
Nakatabang man suboot an saindang pag-relocate sa night market pati man sa pagkakaigwa nin mahiwas, mapresko asin maliwanag na pagpwestuhan kan mga manlain-laing produkto.
Paglinaw niya man na bago an mismong implementasyon an nagkaigwa muna nin konsultasyon sa mga paratienda nganing madangog man an saindang mga sentimyento asin suhestyon.
Pigtaram pa kan Administrator na uminabot na sa 302 na mga rehistradong paratienda sa night market na gikan pa sa manlain-laing banwaan kan provincia kan Albay asin Sorsogon.
Huli sa magayon na epekto an nagpasalamat man suboot an mga paratienda sa magayon na treatment na ipigtatao sainda siring man an magayon na feed backs hale sa mga market goers huli sa komportable asin maliwanag na lugar.
Sa hiling niya man an naghahalangkaw an saindang revenue collection huli sa nagdadakol na mawot magpwesto sa bago asin maaliwalas na pwestuhan.
Pagdoon pa ni na huli ta dry run pa sana an pwedesir pang madugangan an presenteng ordinansang pigpapa-otob na mnakakatabang man sa pagpapagayun kan Daraga night market.
