Nagpagirumdom an Department of Labor and Employment (DOLE) sa pribadong sektor na pwedesir gibuhon an flexible work arrangements siring kan four-day workweek o work-from-home schemes ngani na mabawasan an epekto kan naglalangkaw na presyo kan petrolyo asin maprotehiran an kapakanan kan mga empleyado.
Segun ki Bureau of Working Conditions Director Alvin Curada, boluntaryo an pagpapaotob nin siring na setup asin naka depende sa kasunduan kan employer asin empleyado.
Binanggit niya na igwang nagkapirang sektor an dae kayang magpaotob kaini huli sa mahewasan na epekto sa operasyon asin ekonomiya.
Sa four-day workweek, pwedesir na pagbangaon an 40 oras na trabaho sa kada semana sa apat na aldaw puon Lunes hasta Huwebes, mantang sa work-from-home setup, pwedesir na magtrabaho sa harong tuyong Biyernes, depende sa klase kan trabaho.
Makalihis magkasundo an employer asin empleyado, kaipuhan na magsumiter nin report sa online compliance portal kan DOLE an mga employer.
